في البوست دا هقولك إزاي تطبع فاتورة مشتريات و باركود لكل منتج في لارفيل 🖨

1-) طباعة الفاتورة

قبل ما تطبع الفاتورة لازم الأول تعرف نوع الطابعة عشان تعرف حجم الورق اللي بيطلع منها و تبدء تستخدم الحجم دا في الكود و ممكن تحتاج تقلل الحجم بعد كدا عادي و عشان تطبع الفاتورة في أكواد كتير هتلاقيها مستخدمه جافا إسكربت لاكن هتواجهه مشكلة إنك ممكن تحتاج تطبع فاتورة مع تصميم سي إس إس أو بوت إستراب فا أنا هجيبلك مكتبة عظيمة إسمها printJS هتعملك دا و بسطر واحد بس 😎

سطر الكود اللي من خلاله هيخليك تطبع التصميم 👇

printJS({printable:'YourHTMLTagID', type:'html', targetStyles:['*']});

2-) الباركود

في باكدج جميلة إسمها barcode هتساعدك في الموضوع دا لما تيجي تحط إسم المنتج علي الباركود و تيجي تقرأه بعدين هتسيرش بإسم المنتج في الداتا بيز و هتجيب معلوماته و هنا هتقابلك مشكلة في الإنكودنج في حال إن إسم المُنتج كان باللغة العربية, الباركود في نوع قرآه إسمها كود 128 و النوع دا بيدعم العربي بس ساعات القرآه بتطلع حروف غريبة و عشان كدا بنصحك إنك تستخدم مُعرف المنتج -الآي دي- و في مكتبة عظيمة في الجافا إسكربت إسمها select2 و من  خلالها تقدر تسيرش علي الأوبشنز و هنا هتقابلك مشكلة تانية,  إنك عايز تسيرش بمُعرف المنتج مش إسمه و  عشان تحل المشكلة دي في كود عظيم علي stackoverflow هيسمحلك إنك تسيرش بال الآي دي بالرغم من إن الأوبشنز ظاهر فيها إسم المنتج مش رقمه 🤙

البدائل للباكدج اللي فاتت:

1.) barcode-api بيخليك تعمل باركود, طبعاً دا هيكون أسهل بكتير و هيوفر مساحة الباكدج اللي فوق و لاكن مشكلته ان ال API دا ممكن يحصله drop في اي وقت ✅

2.) jquery-qrcode ولاكن دي خاصة بال QR Code 🤸‍♂️

و اخيراً لينك البروجكت 🚀

و بكدا أكون خلصت و أتمني تكون إستفدت ✔